Саналуу күндөр калды. Кыргызстандык футболчулардын машыгуусунан 11 сүрөт

Кыргызстандын футбол боюнча улуттук команда F тайпасында сингапурлук (8-июнь), мьянмалык (11-июнь) жана тажикстандык (14-июнь) атаандаштары менен ойнойт. Футболдук беттештер Дөлөн Өмүрзаков атындагы стадиондо саат 20:00дө башталат.

Жакында эле Кыргыз футбол клубу ЖМК үчүн футболчулардын ачык машыгуусун өткөрдү. Ал жактан тартылган 11 сүрөттү сунуштайбыз.

1 / 11

Оюндун баары Дөлөн Өмүрзаков атындагы стадиондо 8, 11 жана 14-июнда саат 20:00дө башталат

2 / 11

Мында 30 футболчу машыгып жатат. Оюн алдында тизмеге булардын жетөө илине албай калат

3 / 11

Тайпада биринчи орунду алган команда Азия кубогуна жолдомо утат. Экинчи орундан да чемпионатка өтүү мүмкүнчүлүгү бар

4 / 11

Кыргызстандын курама командасынын капитаны Валерий Кичин

5 / 11

Футбол күйөрмандарынын көбү Кыргызстан менен Тажикстандын ортосундагы беттешти күтүп жатат

6 / 11

Казакстандын "Туран" командасында ойногон 21 жаштагы дарбазачы Эржан Токотаев фавориттердин бири

7 / 11

Команданын тажрыйбалуу оюнчуларынын бири — Кайрат Жыргалбек уулу. Ал дагы Казакстандын "Аксу" командасында ойнойт

8 / 11

Эске салсак, 2019-жылы команда алгачкы жолу Азия кубогуна өткөн. Бирок БАЭ командасынан жеңилип калган

9 / 11

Бул жылы ата мекендик оюнчулар Азия биринчилигине өтүүгө аракет кылышат. Бирок азырынча ал кайда болору белгисиз. Анткени коронавирус кырдаалынан улам Кытай аны өткөрүүдөн баш тарткан

10 / 11

Оюнга карата учурда стадионду иретке келтирүү иштери жүрүп жатат

11 / 11

Футболдук мелдештин башталышына саналуу күндөр калды