БИШКЕК, 31-май — Sputnik. Омар Султанов Кыргызстандын Бириккен Улуттар Уюмунун Женевадагы кеңсеси жана башка эл аралык уюмдардагы Туруктуу өкүлү болуп дайындалды. Бул тууралуу мамлекет башчынын маалымат кызматы билдирди.
Тиешелүү жарлыкка президент Садыр Жапаров кол койгон.
Буга чейин аталган кызматта Алмазбек Бейшеналиев иштеп турган. Ал февраль айында кайтып келип, билим берүү жана илим министри болуп бекитилген.