БИШКЕК, 31-май — Sputnik. "Манас" эл аралык аэропортунда 2017-жылдан бери Diamond DA 42М-NG үлгүсүндөгү жеңил моторлуу самолет турат. Бул тууралуу Мамлекеттик бажы кызматы билдирди.
© Фото / пресс-служба Государственной таможенной службы
Ведомство кабарлагандай, бажылык мыйзам бузуулар катталган. Аба кемеси S.K.G.A ЖЧКсына таандык.
"Бажы органдарынын бирдиктүү автоматташтырылган системасында транспорт каражаты бажы каттоосунан өтпөгөнү тууралуу маалымат жазылган. Мында ЕАЭБдин бажы мыйзамдары бузулган", — деп айтылат маалыматта.
"Убактылуу киргизүү" бажы процедурасы боюнча компания 5,5 миллион сом төлөшү керек, ал эми "ички керектөөдөн чыгаруу" процедурасына 8,2 миллион сом төгүшү шарт.
Материалдар юридикалык баа берүү үчүн Башкы прокуратурага жөнөтүлдү.