БИШКЕК, 25-май — Sputnik. Ереванда Армениянын Улуттук коопсуздук кызматынын имаратынын жанында полиция менен митингчилердин ортосунда бир нече жолу кагылышуу болду. Бул тууралуу РИА Новости агенттигинин жеринде иштеп жаткан кабарчысы билдирди.
"Кагылышуулар полициянын спецназ жоокерлери менен нааразычылык акциясына чыккандар арасында болду. Аягында укук коргоочулар элди курчоого алды, бирок андан ары кармап кетүүгө аракет болгон жок", — деп айтылат билдирүүдө.
Ошондой эле эртең менен алар президенттин резиденциясын курчап алышкан. Анда дагы митингчилер полициянын күчү менен таратылган.
Эске салсак, 25-апрелден бери оппозиция Армениянын бардык аймагында премьер-министр Никол Пашиняндын кызматтан кетишин талап кылган нааразылык акцияларын өткөрүүдө. Анын катышуучулары бул бийликтин саясаты мамлекеттүүлүктүн жоголуп кетишине жана таанылбаган Тоолуу Карабах Республикасынын өкүм сүрүшүнө коркунуч жаратып жатканын айтып келишет.