БИШКЕК, 22-май — Sputnik. Ош шаарынын кичи райондоруна атайын автоунаа менен таза суу жеткирилип жатат. Бул тууралуу мэриянын маалымат кызматы кабарлады.
"Урматтуу Ош шаарынын тургундары! Сиздерден суу тынымсыз өчүрүлүп жаткандыгы үчүн кечирим сурайбыз. Шаардыктарды таза суу менен камсыз кылууда түзүлгөн оор кырдаалга байланыштуу "Ош шаардык суу канал" ишканасы кичи райондорго атайын унаа менен күнү-түнү таза суу жеткирип турат", — деп жазылган маалыматта.
Арызды төмөнкү байланыш телефондору аркылуу калтырууга болот:
105, 8-11-15, 8-11-51, 0553 200-105.