БИШКЕК, 22-май — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.
Ага ылайык, Бишкек шаарында дүйшөмбүдө түнкүсүн мезгил-мезгили менен жамгыр жаап, күндүзү ачылат. Шейшембиден бейшембиге чейин жамгыр жаабайт. Жума жана ишемби күндөрү өткүн өтүшү мүмкүн.
Чүй облусу
23үнөн 25-майга чейин тоолуу райондордо өткүн өтөт, дыйканчылык аймактарда жаан-чачын болбойт. 26-27-майда күн ачылат. 28-майда кээ бир райондордо жамгыр себелейт.
Талас облусу
23үнөн 26-майга чейин тоолуу райондордо өткүн өтүп, бирок дыйканчылык аймактарда жамгыр жаабайт. 27-28-майда күн ачык болот.
Ош, Жалал-Абад облустары
23үнөн 26-майга чейин тоолуу райондордо өткүн өтөт, дыйканчылык аймактарда күн ачык болот. 27-28-май күндөрү кээ бир аймактарда гана өткүн өтөрү айтылды.
Баткен облусу
23-24-майда жаан-чачын күтүлбөйт. 25-майда күндүн көзү бузулуп, 26-майга чейин эки күн тоолуу райондордо өткүн өтөт. Ал эми 27-28-майда кээ бир жерлерде жамгыр себелейт.
Ысык-Көл, Нарын облустары
23-майда кээ бир аймактарда жамгыр жаап, 24-майда өткүн өтүп токтойт.
25-26-майда тоолуу райондордо өткүн өтүп, дыйканчылык аймактарда жаан-чачын болбойт. 27-28-майда кээ бир жерлерде жамгыр жаап өтөт.