БИШКЕК, 21-май — Sputnik. Кечээ, 20-майда, Улуттук банк валюта рыногунан 20 миллион 550 миң доллар сатып алды.
Эсептешүүнүн кандай түрү менен алганы боюнча так жазылган эмес, бирок адатта Улуттук банк накталай эмес формада сатып алуулар тууралуу маалымат берет.
Кыргызстанда соңку күндөрү доллардын курсу төмөндөп жатат, мисалы, кечээ сатып алуу 79 сомго түштү. Ал эми бүгүн 79-79,5 сомдун тегерегинде турат, сатуу 80-80,5 сом деп бааланууда.