БИШКЕК, 21-май — Sputnik. Эс тартып калган уул баланы аялдар мончосуна алып барбаш керек. Бул тууралуу уролог Нурбек Моңолов Sputnik Кыргызстан маалымат агенттигине айтып берди.
Адистин билдиргенине караганда, баланын 3-5 жашында эле сексуалдык багыты жана тандоосу башталат.
"Башкача айтканда, жаккан кызды тандайт. Анан туура эмес маалымат алып алса, ошол жолго бурулуп кетет. Бул сексуалдык жашоосуна терс таасирин тийгизет. Ошондуктан 3-4 жаштан тарта жыныстык тарбия берип башташ керек", — деди уролог.
Моңолов ата-эне балага эркек менен аялдын чек арасы болорун түшүндүрүү зарыл экенин кошумчалады.