БИШКЕК, 20-май — Sputnik. Келечекте Россия армиясынын куралдануусуна стратегиялык пилотсуз учуучу аппараттардын келиши күтүлүүдө. Бул тууралуу РФтин коргоо министри Сергей Шойгу аскердик ведомствонун отурумунда билдиргенин РИА Новости жазды.
"Келечекте стратегиялык пилотсуз учуучу аппараттарды алып келүү пландалууда", — деген Шойгу.
Ал мындай машиналарды колдонуу учуу экипажын сактап калууга жана чалгындоо, аткылоо тапшырмаларын аткарууда зыянга учуроону кыйла кыскартууга мүмкүнчүлүк бере турганын белгилеген.
Шойгу армия менен флотту жабдуу үчүн ыкчам иш алып барган учкучсуз учуучу аппараттардын заманбап топтомдору келип жатканын кошумчалаган.