БИШКЕК, 20-май — Sputnik. Лейлек районунда нөшөрлөп жааган жаандан улам сел жүрүп, Баул айылында 200 баш кой-эчкини агызып кетти. Маалыматты президенттин Баткен облусундагы өкүлчүлүгү таратты.
Сел мал-жандыкты агызып, жолдун бир бөлүгүн бузуп кеткен. Учурда чыгым такталып жатат. Алдын ала маалымат боюнча, турак үйлөргө жана тургундарга зыян тийген эмес.
Ошол эле райондогу Катраң айыл өкмөтүнүн Катраң, Баул айылдарынан өткөн сайдан да сел агып, Раззаков — Катраң унаа жолунда таш менен курулган дамбанын 80 метр аралыгын бузуп кеткен. Жол убактылуу жабык.