БИШКЕК, 19-май — Sputnik. Бишкекте табылган снаряд, болжолдуу маалыматтар боюнча, коркунуч жаратпайт жана окууга пайдаланууга арналган каражат. Бул тууралуу Свердлов райондук ИИБдин маалымат кызматы кабарлады.
Буга чейин Тоголок Молдо жана Васильев көчөлөрүнүн кесилишиндеги арыкта снаряд табылганы айтылып, милиционерлер аймакты курчоого алган.
"Жерине барган ыкчам-тергөө тобу снарядды тапкан. Улуттук гвардиянын аскерлери менен сапёрлору тиешелүү атайын иш-чараларды жүргүздү. Натыйжада, болжолдуу маалыматтар боюнча, снаряд коркунуч жаратпайт жана окууга пайдаланууга арналган каражат болуп саналат", — деп жазылган маалыматта.
Аталган факты Свердлов райондук милициясынын маалыматтарды каттоо журналына түшүрүлүп, тиешелүү экспертизалар дайындалган. Тергөөгө чейинки иштер уланууда.