БИШКЕК, 15-май — Sputnik. Кыргызгидромет агенттиги алдыдагы жумага карата аба ырайынын божомолу тууралуу маалымат берди.
Ага ылайык, Бишкек шаарында дүйшөмбү жана шейшембиде күн ачык болот. Шаршемби, бейшемби күндөрү мезгил-мезгили менен жаан жаашы күтүлөт. Жумада кайра күн ачылып, бирок ишембиде жамгыр жаайт.
Батыштан соккон шамалдын ылдамдыгы секундасына 4-9 метрге жетет.
Чүй облусу
16-майда жаан-чачын болбойт, 17-майда тоолуу райондорго жаайт. Ал эми 18инен 21-майга чейин кээ бир райондордо жамгыр жаай турганы айтылды.
Талас облусу
16-17-майда күн ачык турат, 18инен 21-майга чейин көпчүлүк аймактарда жамгыр жаап, тоолорго кар түшөт.
Ош, Жалал-Абад, Баткен облустары
16-17-майда тоолуу райондордо жамгыр жаайт, ошол эле учурда дыйканчылык аймактарда күн ачык болот.
18инен 21-майга чейин кээ бир аймактарда жаан жаап, бийик тоолуу жерлерге кар түшөт.
Ысык-Көл, Нарын облусу
16-майда кээ бир райондордо жаан жаап, 17-майда токтойт. Бирок 18-майда кайра күндүн көзү бузулуп, 21-майга чейин кээ бир райондордо жамгыр жаайт.