Ажарлуу түрк кыздары, көл жээктеген коноктор. Туристтик жарманкеден сүрөттөр

Ысык-Көлдө расмий түрдө Кыргызстандын жайкы туристтик сезону ачылды

Көл жээгиндеги жарманкеге Түркия, Россия, Өзбекстан жана Венгрия сыяктуу бир канча өлкөдөн келип катышууда

Чолпон-Атада Чыңгыз Айтматов атындагы “Рух-Ордо” маданий комплексинде эл аралык туристтик көргөзмө-жарманкеси өтүүдө

Иш-чарага министрлер кабинетинин төрагасы Акылбек Жапаров катышты

Келген конокторго улуттук оюндардын түрлөрүн көрсөтүп, өздөрүн да ойнотуп жатышты

Өлкөнүн жети облусу бирден боз үй тигип, өндүргөн буюм-тайымдарын, туристтик мүмкүнчүлүктөрүн келген конокторго көрсөтүүдө

Өзбекстандык кернейчи улуттук музыкалык аспабы менен коноктордун көңүлүн көтөрүүдө

Концерттик программада түркиялык музыканттар чыгармасын тартуулашты

Кыргыздын ийик ийрүү өнөрүн тестиер кыздар көрсөтүп, келген конокторду суктандырды

Аксакал чүкөлөрдү жерге жайып, аны ойноо эрежелери менен тааныштырды

Боз үйдүн алдында кыздар конокторду тосуп, даам ооз тийгизип жатышат

Жарманкеге көчмөндөрдүн жашоо-турмушун чагылдырган салбурунчулар да келишкен