БИШКЕК, 12-май — Sputnik. Министрлер кабинетинин төрагасы Акылбек Жапаров Чүй облусунун Сокулук районуна барып базар, дүкөндөрдү текшерди. Бул тууралуу өкмөттүн маалымат кызматы кабарлады.
Билдирмеге караганда, Жапаров алгач Сокулук айылындагы "Жибек Жолу" базарында иштеген соодагер, сатып алуучулар менен баарлашып, социалдык-экономикалык тармакта жүргүзүлүп жаткан реформаларга токтолгон. Ошондой эле акчалай төлөмдөрдү жүргүзүүдө кассалык аппараттарды колдонуу жана чек талап кылуунун маанилүүлүгүн белгилеген.
Министрлер кабинетинин төрагасы Сокулуктагы кичи дүкөндөрдүн биринде болуп, алкоголдук ичимдиктердин акциздик маркаларынын аныктыгын текшерген. Анда контрафактылык продукциялардын аныкталганы айтылды.