БИШКЕК, 9-май — Sputnik. Улуу Жеңиштин 77 жылдыгына карата Жалал-Абад шаарында "Өлбөс полк" өтүп, эки миңден ашуун адам жүрүшкө чыкты. Бул тууралуу президенттин Жалал-Абад облусундагы өкүлчүлүгү билдирди.
Маалыматка ылайык, акциянын катышуучулары согушка катышкан, оорукта эмгектенген ата-апаларынын сүрөттөрүн көтөрүп таң эрте шаардын борбордук аянтынан баштап "Жеңиш" эс алуу багына чейин басып келишкен. Андан соң "Өчпөс отко" гүл коюшту.
Майрамдык акцияга Жалал-Абад облусунун жетекчиси Абсаттар Сыргабаев, шаардагы согуш ардагерлери, жергиликтүү бийлик өкүлдөрү, мекеме, ишканалардын жамааттары жана калаа тургундары катышты.