БИШКЕК, 8-май — Sputnik. АКШ президенти Жозеф Байдендин администрациясы өздөрү каалаган америкалык куралдуу системаларды сатып алдыруу үчүн Тайвань бийлигине жашыруун басым жасап жатат. Вашингтон эгер Кытай аскерлери Тайванга кирип келсе, аларга майнаптуу каршылык көрсөтө алган куралдарга буюртма бердиргиси келүүдө. Бул тууралуу New York Times басылмасы өзүнүн маалымат булактарына таянып жазды.
Украинадагы акыркы окуялар Вашингтон менен Тайбэйди тынчсыздандырып, Кытай жакынкы жылдары кирип келет деген кооптуулукту жаратып жатат дешкен. Шериктештердин ири каршылашка көп эмес, бирок "туура тандалган курал-жарак жана куралдуу күчтөрдүн стратегиясы" каршы тура алат деген пикирде болгону айтылган.
Андан сырткары, маалымат булактар Вашингтондун Тайвань куралдуу күчтөрүнүн Кытай армиясына каяша кылып, каршылык көрсөтүп, мизин кайтара алар-албасын тыкыр издеп жаткандыгын айтып беришкен. Бирок Тайбейдегилердин көпчүлүгү андай ыкмага макул болбогону да кабарланды. Анткени АКШ айрым үлгүдөгү куралдарды Тайванга жеткирүүдөн баш тартканы да маалымдалган. Мисалы, кытайлыктарга каршы турууга ылайыктуу эмес деп MH-60R Seahawk үлгүсүндөгү тик учактарды бербегени макалада жазылган.
"АКШ тайвандык кесиптештерине мындай суроо-талаптарды мамлекеттик департамент кайра артка кайтара тургандыгын эскертти. Ошондой эле алар курал-жарак саткан америкалык өндүрүшчүлөрдү Тайвандан буюртмаларды кабыл алуудан оолак болуп, белгилүү бир үлгүдөгү куралдарды сатуу максатында келишимдин өтүнмөлөрүн АКШнын өкмөттүк агенттиктерине жибербөөгө үндөйт", — деп жазат басылма.
Ошол эле маалда АКШнын расмий органдары Кытай Тайванга кол салууга даярданып жатат деген маалыматты четке кагууда. Жакында Пентагондун маалымат катчысы Жон Кирби Вашингтон Кытайдын андай операция өткөрүүгө даярдыктары болбой турганын айткан.
Буга чейин Кытай Вашингтонго кайрылып, Тайванды курал менен камсыз кылуусун токтотууну талап кылган.
Эске сала кетсек, Кытайдык борбордук бийлиги менен аралдык провинцияларынын расмий мамилеси 1949-жылы токтотулуп, расмий эмес мамилелер 80-жылдардын соңунда улантылган.