Иш-чара Бүткүл россиялык элдик фронт тарабынан демилгеленген. Ири коомдук кыймылдын лидери президент Владимир Путин. Акция алты жылдан бери уюштурулуп келет, бул жылы биринчи жолу эл аралык масштабда өтүүдө.
"Эскерүү отун" Бишкекке Россия Мамлекеттик думасынын депутаты, Бүткүл россиялык элдик фронтунун мүчөсү Александр Коган алып келди.
"Бүгүнкү иш-чараны жеңил кабыл алуу өтө оор. Мына алты жыл катары менен өтүп жатат. Аны биз "Эскерүү оту" дейбиз. Александр багындагы белгисиз жоокердин күмбөзүндөгү от 65 жылдан бери күйүп турат. Ал Улуу Ата Мекендик согуштагы жоокерлердин дүйнө жүзү тааныган эрдигинин символу. Азыр ошол көп улуттуу, көп конфессиялуу советтик элдин жасаган эрдиктерин адамдарга дайыма эскертип туруу керек", — деди Коган.
Акцияга Кыргызстан менен Россиянын коргоо министрликтеринин өкүлдөрү, Бишкек мэриясы, КРдеги Россия элчилиги, Кыргызстан элдер ассамблеясы, "Росскызматташтык" уюму, ардагерлер уюму, "Жеңиштин ыктыярчылары" издөө отрядынын мүчөлөрү, окуучулар жана студенттер катышты.
"Советтик жоокерлердин эрдигинен жогору эч нерсе болгон эмес. Биздин элдер согуштун оор сыноолорун бирге өтүштү. 9-май жалпы тарыхыбыздагы ыйык күн. Бул күнү биз бардык жеңүүчүлөргө, ардагерлерге, фронтовиктерге, тылдагы эмгекчилерге, алардын мекенге болгон чексиз сүйүүсүнө, баатырдык эрдигине, чыдамкайлыгына таазим этебиз", — деди Жогорку Кеңештин депутаты Эльдар Сулайманов.
Өчпөс от — элдин эркиндигин жана көз карандысыздыгын коргоп, дүйнөнү улутчулдуктан бошоткон бардык улуттагы советтик жоокерлердин эрдигин эскерүүнүн символу болуп саналат.
Тема боюнча: