Аталган иш-чарага Кыргызстан менен Россиянын коргоо министрликтеринин өкүлдөрү, Бишкек мэриясы, КРдеги Россия элчилиги, Кыргызстан элдер ассамблеясы, "Росскызматташтык" уюму, ардагерлер уюму, "Жеңиштин ыктыярчылары" издөө отрядынын мүчөлөрү, окуучулар жана студенттер катышты.
"Эскерүү оту" — Кремль дубалындагы белгисиз жоокердин күмбөзүндөгү оттун бир бөлүгү. Ал бүгүн учак менен алып келинди.
Акция Бүткүл россиялык элдик фронт тарабынан демилгеленген. Ири коомдук кыймылдын лидери - президент Владимир Путин. Акция алты жылдан бери уюштурулуп келет, бул жылы эл аралык масштабда өтүүдө.
Өчпөс от — элдин эркиндигин жана көз карандысыздыгын коргоп, дүйнөнү улутчулдуктан бошоткон бардык улуттагы советтик жоокерлердин эрдигин эскерүүнүн символу болуп саналат.