БИШКЕК, 6-май — Sputnik. Эмгек, социалдык камсыздоо жана миграция министри Кудайберген Базарбаев Кара-Балтада жашаган Улуу Ата Мекендик согуштун ардагери Николай Соколовду куттуктап келгенин ведомствонун маалымат кызматы кабарлады.
Эмгек, социалдык камсыздоо жана миграция министри Кудайберген Базарбаев Кара-Балтада жашаган Улуу Ата Мекендик согуштун ардагери Николай Соколовду куттуктап келгенин ведомствонун маалымат кызматы кабарлады
© Фото / пресс-служба МТСОМ
Министр ардагерди келе жаткан Жеңиш күнү менен куттуктаган.
"Өлкө башчы айткандай, биз тарыхыбызды унутпашыбыз керек. Ал согуштан Кыргыз ССРинин ар бир үчүнчү тургуну кайтпай калган. Бүгүн биз — алардын балдары, урпагы жеңиштин маанисине өзгөчө көңүл буруп келебиз. Ардагерлер мамлекеттин көңүл чордонунда. 9-Майга карата согуштун катышуучулары менен ардагерлерине, концлагерлердин туткундарына жана Ленинград блокадачыларына 100 миң сомдон берилет", — деди Базарбаев.
Николай Соколов 17 жашында согушка аттанганын эскерип, Беларусь фронтунда салгылашканын айтып берген. Ардагер аскердик сүрөттөрүн көрсөтүп, Улуу Ата Мекендик согуштун II даражадагы ордени менен сыйланганын баяндады.