БИШКЕК, 5-май — Sputnik. Ысык-Көл облусунун бир нече айылында балык кармаган 3 900 метр синтетикалык тор чыгарылып, жок кылынды. Бул тууралуу Экологиялык жана техникалык көзөмөл кызматы билдирди.
Көлдүн Жаркынбай, Өрүктү, Чырпыкты, Семеновка жана Ананьево айылдарында рейд жүргүзүлгөн.
Жыйынтыгында балык корун түгөтүп, мыйзамсыз салынган синтетикалык балык кармоочу торлор алынган.
Ошондой эле жергиликтүү тургундарга жаныбарлар менен өсүмдүктөр дүйнөсүн сактоо жана аяр мамиле кылуу жөнүндө түшүндүрүү иштери жүргүзүлгөн.