БИШКЕК, 4-май — Sputnik. Ош шаарынын борбордук аянтында "Сергек жашоо" урааны менен веложүрүш өткөрүлдү. Бул тууралуу аймактык кабарчы билдирди.
Мелдешке эки миңдей адам катышты. Алар тогуз чакырым жолду басып өттү.
Мэриянын аппарат башчысы Камчыбек Досматов калаа тургундарын сергек жашоого үндөп, кызыктыруучу белектерди тапшырды.
Веложүрүш жыл сайын болот. Быйыл алтынчы ирет өткөрүлдү.