БИШКЕК, 4-май — Sputnik. Бейшембиде күндүз көпчүлүк аймактарда жамгыр жаап, күн күркүрөп, бийик тоолуу райондордо кар жаайт. Бул тууралуу Кыргызгидромет маалымдады.
Абанын температурасы Чүй менен Талас өрөөнүндө +19...+24, Ош, Жалал-Абад, Баткен облустарында +23…+28, Ысык-Көл менен Нарын аймагында +18...+23 градус болот.
Бул күнү Бишкек менен Ошто мезгил-мезгили менен жамгыр жаап, күн күркүрөйт. Термометрдин көрсөткүчү борбор калаада +22...+24, Ош шаарында +26…+28 градуска жетет.