БИШКЕК, 2-май — Sputnik. Таластагы Беш-Таш жаратылыш коругуна Алтай Республикасынан 35 марал алып келишти. Бул тууралуу президенттин аталган аймак боюнча өкүлчүлүгүнүн маалымат кызматынан кабарлады.
Бул жаныбарларды алып келүүнү "Альянс Алтын" ЖЧКсынын (Жер-Үй кенин иштетүүчүлөр) алдындагы "Бакубат Талас" фонду каржылап, ага 2,5 миллион сом кеткен.
Бул долбоор президенттин 2022-жыл Тоонун экологиялык системаларын жана климаттык туруктуулукту коргоо жылы деп жарыялаган жарлыгынын алкагында ишке ашкан. Андан сырткары, Жаратылыш ресурстары, экология жана техникалык көзөмөл министрлигинин Талас боюнча башкармалыгынын долбоорун колдоо максатында жасалган.
Регион жетекчиси Бакытбек Нарбеков жыйырма күндөн кийин жергиликтүү эл "коноктор" менен таанышса болот.
Соңку жылдары Кыргызстанда маралдардын саны азайып, 500гө жакын гана санда калган. Негизинен алар "Сары-Челек" коругунда, Нарындагы корукта жана Ысык-Көлдүн аймагында жашайт.
Марал — Борбор Азия аймагында кескин азайып кеткен жаныбар. Кыргызстанда кызыл китепке киргизилген. Маралды мыйзамсыз аткандарга 1 миллион сом айып салынат. Ал эми өзгөчө коргоодогу жаратылыш аймактарынан алынса айып пул эки эсеге өсөт.