БИШКЕК, 1-май. — Sputnik. Бишкекте 6-майда Улуу Жеңиштин 77 жылдыгына карата "Лезгинка – тынчтыктын жана достуктун бийи" деп аталган фестиваль өтөт. Бул туурасында Россиянын Кыргызстандагы элчилигинен кабарлашты.
Бий майрамы Бишкек шаарында Балдар жана өспүрүмдөрдүн "Сейтек" улуттук борборунда 6-майда болот.
"Иш-чараны карачай элинин "Ата Журт" ассоциациясы Россия элчилиги жана Бишкектеги Орус үйүнүн колдоосунда өткөрөт. Келип планетадагы эң байыркы бийдин демин сезип, жарык маанай алып кетиңиздер", — деп айтылган маалыматта.
Ал эми бүгүн да буга үндөш ыр майрамы тартууланат. Тагыраагы, борбор калаада "Жеңиш ырлары" деп аталган концерт өтүп, ага "Хор Турецкого" менен "Сопрано" топтору катышмакчы.