БИШКЕК, 1-май — Sputnik. Бишкектин батыш тарабында автоунаа тетиктерин саткан “Кудайберген” базарында өрт чыкты.
Күбөнүн айтымында, унаа оңдоочу жайдагы автоунаа күйгөн. Алар башка дагы бир машина күйгөнүн айтып, андан чыккан жалын турак жайга жармашкан. Видеодон жарылуу болгонун да көрүүгө болот.
Ширетүү иштеринен улам жалын тутанган деген божомолдор айтылууда.
Өзгөчө кырдаалдар министрлиги жеринде эки өрт өчүрүүчү унаа иштеп жатканын билдирди. Саат 16:03тө өрт чектөөгө алынган.