БИШКЕК, 30-апр. — Sputnik. Россиянын тышкы иштер министри Сергей Лавров Al Arabiya телеканалына маек куруп, Россиянын Украинадагы атайын операциясы, санкция, дүйнөлүк азык-түлүк каатчылыгы боюнча суроолорго жооп бергенин РИА Новости жазды.
Төмөндө ТИМ башчысынын маегинин урунттуу учурлары берилди:
Россиянын Украинадагы атайын операциясы максатына жетери менен бүтөт;
Чет өлкөлөрдөн Киевге келип жаткан курал-жарактын баары Россиянын бутасы. Анткени бул курал-жарактар өзүнүн калкына каршы согуш жүргүзүп жаткан режимге берилет;
Россия менен Украинанын сүйлөшүүсү Киевдин ырааттуу позициясы жок болгондуктан токтоп калды;
Россия Украинада жалданма аскер колдонбойт;
Россия өзүн НАТОго согуш ачуу босогосунда турат деп эсептебейт. Анткени окуянын мындай өнүгүшү өзөктүк согуш тобокелчилигин жогорулатып жибермек;
Россия эч кимди өзөктүк согуш менен коркуткан жок. Бул боюнча сөздү Батыш өлкөлөрү баштап жатат;
Дүйнөдөгү азык-түлүк каатчылыгына Батыш өлкөлөрү Россияны күнөөлөп жатат. Бирок ал бул жылы башталган жок. Аны Батыш тарабынан киргизилген санкциялар курчутуп жиберди.
Эгер Киевдин позициясы туруктуу болсо, Россия менен Украина ортосундагы сүйлөшүү процессинде кыйла жылыш болуп, сезилерлик жыйынтык алып келмек;
АКШ менен анын союздаштарынын башка мамлекеттерди Россияга каршы риторикага кошулууга мажбурлоосу алар жар салган демократиянын принциптерине дал келбейт, булар диктаторлор;
Москва эң маанилүү тыянак чыгарды. Россия Батышка өзгөчө экономика, технология, азык-түлүк жаатында таянбайт;
Америкалык биолабораториялардын Украинадагы ишмердүүлүгү иликтениши керек;
Россия менен Украина эли тынчтыкта жана жакшы коңшулук мамиледе жашайт.