БИШКЕК, 30-апр. — Sputnik. Адистер азык-түлүктүн кымбатташына байланыштуу жакында бир катар өлкөлөрдө башаламандык болорун болжолдошууда. Бул тууралуу "Прайм" агенттиги жазды.
"Украинадагы окуялардан жана Батыштын Москвага каршы санкцияларынан улам азык-түлүктүн кымбатташынын кесепети эми чындап билине баштайт. 2022-жылдын акырына чейин 100 миллиондон ашык адам ачарчылыкка кептелип, жарандык толкундоолор Жакынкы Чыгыш менен Африканын көптөгөн өлкөлөрүндө башталышы мүмкүн", — деди Канададагы Делхузи университетинин профессору Сильван Шарлебоа.
Анын айтымында, бай мамлекеттер азык-түлүктүн ири запасын камдап алууга умтулуп, көптөгөн өндүрүүчү өлкөлөр экспортту чектей башташы мүмкүн.
Ошондой эле дүйнө коомунун көңүл чордонунда турган Украина менен Россия бир топ маанилүү тамак-ашты, мисалы, буудай, суу май, жүгөрүнү экспорттоо боюнча алдыңкы орундарда турганы айтылат. Ал тургай Россия жер семирткичтердин экспортеру катары дүйнөдө үчүнчү сапта.