БИШКЕК, 29-апр. — Sputnik. Жол кыймылы коопсуздугун камсыздоо башкы башкармалыгынын Чокон Валиханов көчөсүндө жайгашкан айып короосунда төрт автоунаа күйдү. Бул тууралуу ӨКМдин маалымат кызматы кабарлады.
Билдирмеге караганда, өрт кечээ кечке жуук чыгып, саат 18:30да чектөөгө алынып, саат 19:01де толугу менен өчүрүлгөн.
Министрлик окуя болгон жерден видео жөнөткөн.
Маалым болгондой, Audi-80 жана Nissan Primera үлгүсүндөгү автоунаалар толугу менен өрттөнсө, Honda Accord үлгүсүндөгү автоунаанын мотор бөлүгү, ал эми Mitsubishi үлгүсүндөгү автоунаанын сол бампер жагы күйгөн. Өрттүн себеби такталып жатканы айтылды.