БИШКЕК, 29-апр. — Sputnik. Германиянын канцлери Олаф Шольц Россия газынан баш тартуу немец экономикасы үчүн бир топ кооптуу деп эсептейт. Бул тууралуу жергиликтүү ЖМКларга шилтеме берип РИА Новости жазды.
"Мурда ээн-эркин алып жаткан мунайды бууп салуу менен ар тармакта кечиктирүүлөр пайда болот. Бул нерсе экономикага терс таасирин тийгизери айтпаса деле түшүнүктүү", — деди канцлер.
Ал эми Bloomberg басылмасы мындай чечим Германия үчүн өкүнүчтүү болорун жазды.
"Ооба, жыл башынан бери Германия Россия газынан көз карандуулугун 55 пайыздан 35 пайызга түшүрө алды. Бирок ошол эле 35 пайыздын дароо жок болуп кетиши өлкө экономикасынын өсүү темпин бир топ акырындатып коёт", — деп жазылат макалада.
Буга чейин Франциянын министрлер кабинетинин расмий өкүлү Габриэль Атталь Европа биримдигине берилип жаткан россиялык газ менен нефтиге эмбарго коюлушу мүмкүндүгү туурасында кыйыткан эле. Анын пикиринде, Брюссель санкцияларды жетер чегин жеткиче салууга даяр.
Ал эми Германия бийлиги Киевдин россиялык газдын импорттолушуна тыюу салуу керек деген каалоосу жөнү жок нерсе экенин белгилеп, көп мамлекеттерге кесепетин тийгизет деп эсептейт.