БИШКЕК, 28-апр. — Sputnik. "Өлбөс полк" жүрүшү Бишкек шаарында кадимки калыбында өтөт. Бул туурасында калаа башчысы Эмил Абдыкадыров Sputnik Кыргызстан агенттигинин маалымат борборундагы брифингде айтты.
Мэрден быйыл борбор калаада "Өлбөс полк" жүрүшүнүн өтөр-өтпөсүн сурашкан.
"Ооба, "Өлбөс полкко" эч ким тыюу салган эмес. Ал бизде салт катары өтөт. Соңку эки жылда онлайн тартибинде жасалса, быйыл кадимки калыбында болот", — деп жооп берди мэр.
Кечээ "Өлбөс полк — Кыргызстан" акциясынын координаторлору Зульфира Хайбуллина (Бишкек) жана Алена Смирнова (Ош) акцияны быйыл өткөрүү боюнча чечим чыгаруу өтүнүчү менен шаар бийлигине кайрылышканын билдиришкен.