БИШКЕК, 27-апр. — Sputnik. Билим берүү жана илим министрлиги келе жаткан май айындагы майрам күндөрүнө карата мектеп окуучуларынын эс алуусу боюнча маалымат берди.
Ага ылайык, мамлекеттик жана муниципалдык мектептин окуучулары 1-майдан 9-майга чейин эс алышат. Бул мамлекеттик бала бакчаларга дагы тиешелүү.
Беш күндүк окуу жумасы менен иштеген билим берүү жайларынын 4-майга пландалган окуусу 30-апрелге, 6-майдыкы 14-майга жылдырылат. Бул ишемби күндөргө туура келет.
Мындан тышкары, мектептин администрациялары 2, 3, 5 жана 9-майда өтүлүшү керек болгон сабактарды расписаниеге кошо кетүүгө милдеттүү.
Беш күндүк тартип менен иштеген жеке билим берүү жайларына министрликтин токтомуна ылайык окуу процессин уюштуруу сунушталат.