БИШКЕК, 26-апр. — Sputnik. Юлиус Фучик атындагы паркта Чернобыль апаатынын кесепеттеринин жоюлушунун 36 жылдыгына карата митинг-реквием өттү.
Катышуучулар кыргызстандыктардын элесине арналып орнотулган эстеликке гүл коюшуп, бир мүнөттүк аза күтүштү. Иш-чарага Коргоо министрлигинин, мэриянын өкүлдөрү, Бишкек шаардык кеңештин депутаттары, "Союз Чернобыль" коомдук бирикмесинин мүчөлөрү, авариянын кесепетин жоюуга катышкандар жана алардын үй-бүлө мүчөлөрү келишти.
Коргоо министринин орун басары Алмазбек Карасартов апааттын кесепети менен күрөшкөн адамдардын арты менен радиациянын жайылышы токтотулганын белгиледи.
Коргоо министринин орун басары Алмазбек Карасартов
© Фото / пресс-служба Министерства обороны КР
"Сиздердин аракет патриоттулук менен эр жүрөктүктүн белгиси", — деди ал.
Чернобыль атомдук-электр станциясындагы кыйроо 1986-жылдын 26-апрелинде болгон. Анын эң кооптуулугу радиоактвидүү заттардын жайылышы эле. Окуя атомдук энергетиканын тарыхындагы эң ири авария катары эсептелинип келет.