Кыргызстанда адатта жазды аяктай кызгалдактар талааларды, дөңсөөлөрдүн бетин бербей, сулуулукту талаша, желге желбирей бир керемет көрүнүштү тартуулайт. Фотограф Владимир Ногай дал ушул ирмемдерди Бишкектен алыс эмес жерден тарткан.
Окумуштуулар кызгалдактын 100дөн ашык түрү бар экенин айтып келишет. Кыргызстанда алардын 70тен ашыгы белгилүү. Papaverales rhoeas деп аталган түрү дээрлик бардык облустарда өсөт. Кызгалдак өтө назик гүл. Эгерде үзсө көп чыдабай соолуп калат.