БИШКЕК, 25-апр. — Sputnik. Бишкек жана Борбор Азия өлкөлөрүнүн бир катар шаарларына "Эмгек эрдигинин шаары" макамы ыйгарылышы мүмкүн. Бул тууралуу Sputnik Казакстан агенттигине Россиянын Тарыхчылар коомунун башкармалыгынын башчысы Константин Могилевский билдирди.
Бул тизмеге ошондой эле Душанбе (Тажикстан), Ташкент (Өзбекстан) жана Казакстандын Нур-Султан, Алматы, Шымкент, Актөбө, Караганда, Костанай, Петропавловск, Семей, Тараз, Уральск, Усть-Каменогорск шаарлары кирди.
Мындай сунуш КМШ өлкөлөрүнүн Парламенттер аралык ассамблеясынан түшкөн.
Россияда бул ардактуу макам президенттин жарлыгы менен ыйгарылат.
"Жеңишке эбегейсиз салым кошкон шаарлар бул ардактуу макам үчүн кезекте турат. Дал ушул шаарларда өндүрүштөр жайгашкандыктан, согушуп жаткан армиянын чыныгы ооругу болгон. Бул ардактуу наам президенттин жарлыгы менен ыйгарылат, менимче, буга чейин аны 50 шаар алган", — деди тарыхчы.
Россияда мындай шаарларда эстеликтер тургузулуп, көргөзмөлөр ишке ашырылып, архивдик документтер басылып чыгууда.