БИШКЕК, 19-апр. — Sputnik. Президент Садыр Жапаров Гейдар Алиев жана анын жубайы Зарифа Алиеванын элесин эскерди. Бул тууралуу мамлекет башчынын маалымат кызматы кабарлады.
Билдирүүгө ылайык, Жапаров бүгүн, 19-апрелде, Азербайжанга болгон расмий сапарынын алкагында Баку шаарындагы “Ардак аллеяга” барып, Азербайжандын улуттук лидери Гейдар Алиевдин элесин анын мүрзөсүнө гүлчамбар коюу менен эскерди.
Мамлекет башчысы ошондой эле Гейдар Алиевдин жубайы Зарифа Алиеванын мүрзөсүнө гүл коюу менен анын жаркын элесине таазим кылды.
Андан соң Кыргызстандын делегациясы ардак кароол тизилген “Шейиттер аллеясына” барды. Президент Азербайжандын курман болгон баатырларынын элесин эскергенден кийин эки өлкөнүн мамлекеттик гимндери жаңырды.