БИШКЕК, 19-апр. — Sputnik. КРдин эмгек сиңирген артисти Темирлан Сманбеков Касымалы Жантөшев атындагы Ысык-Көл облустук музыкалык драма театрынын директору болуп дайындалды. Бул тууралуу Маданият, маалымат, спорт жана жаштар саясаты министрлиги кабарлады.
КРдин эмгек сиңирген артисти Темирлан Сманбеков Касымалы Жантөшев атындагы Ысык-Көл облустук музыкалык драма театрынын директору болуп дайындалды
© Фото / Иссык-Кульский областной музыкально-драматический театр им. К. Джантошева
Тишелүү буйрукка министр Азамат Жаманкулов кол койгон.
Министрдин башка буйругу менен Ысык-Көл облустук театрын жетектеп келген Курсант Абдрахманов Муратбек Рыскулов атындагы Нарын облустук академиялык музыкалык драма театрынын көркөм жетекчиси болуп дайындалган.
Министрдин башка буйругу менен Ысык-Көл облустук театрын жетектеп келген Курсант Абдрахманов Муратбек Рыскулов атындагы Нарын облустук академиялык музыкалык драма театрынын көркөм жетекчиси болуп дайындалган
© Фото / пресс-служба МКИСиМП КР
Жаңы келген жетекчилерди эмгек жамаатка маданият министринин орун басары Чыңгыз Эсенгул уулу тааныштырды.
Сманбеков Нарын облустук театрын 2017-2020-жылдары жетектеген. Андан кийин Бишкектеги Бакен Кыдыкеева атындагы Кыргыз мамлекеттик жаш көрүүчүлөр театрынын директору болуп которулган.
Учурда Нарындын театрын Жолдошбек Жанжигит уулу башкарат.