БИШКЕК, 18-апр. — Sputnik. Донецк Эл Республикасынын Көзөмөл жана координациялоо боюнча биргелешкен борбордогу (ККББ) өкүлдөрү Россиянын Тергөө комитетинин кызматкерлери менен чогуу Мариуполь шаарындагы ондогон жай тургун каза болгон ооруканага барышты. Бул тууралуу РИА Новости агенттигине ККББнын жетекчиси, генерал-майор Руслан Якубов билдирди.
"Биз Россиянын Тергөө комитети менен бирдикте Украина режиминин карапайым элге каршы кылмыштарын каттап жатабыз. Ушул тапта Мариуполь шаарындагы №4 шаардык ооруканадабыз. Буга чейин 20дан ашык сөөктү көрдүк. Бирок өлгөндөр мындан дагы ашык болушу мүмкүн", — деген Якубов.
Анын айтымында, азыр эң негизги маселе — кийин тергөө жүргүзүү үчүн болушунча көбүрөөк далилдерди чогултуу.
Аталган борбор Донбасстын Аскердик прокуратурасы жана Россиянын Тергөө комитети менен түздөн-түз кызматташып жатканы, тактап айтканда, адистер "талаа" иштерин уюштурганы айтылды.
Тергөө комитетинин тергөөчүлөрү квадрокоптер менен шаардык оорукананын жанындагы аймакты изилдеп, сөөктөрдү издешкен.