БИШКЕК, 18-апр. – Sputnik. Бишкектеги Эркиндик бульварынын сол тарабына автоунаа токтотууга тыюу салган атайын жол белгилер орнотулду. Бул тууралуу мэрия билдирди.
Маалыматка караганда, мындай 12 белги Эркиндиктин Чүй проспектисинен Түгөлбай-Ата (Линейная) көчөсүнө чейинки бөлүгүнө коюлган.
"Жол белгилер автоунаалар менен фудкорттордун башаламан жайгашуусуна жол бербейт", — деп айтылат маалыматта.
Муниципалитет шаардыктарды жол эрежесин сактоого чакырды.