БИШКЕК, 16-апр. — Sputnik. Бишкек штамп заводу (БШЗ) Украина аскерлери үчүн 300 миллион даана ок-дары чыгарууга буйрук алган эмес. Бул тууралуу Мамлекеттик мүлктү башкаруу фондунун жетекчиси Мирлан Бакиров билдирди.
Буга чейин интернетте польшалык компаниянын өтүнүчү менен Түркиядан шашылыш буйрук түшкөнү тууралуу маалымат тараган. Картридждерди Түркия аркылуу Польшага, андан соң Украинага жөнөтүү пландалып жатканы айтылган.
"Таратылган маалымат чындыкка дал келбейт. БШЗ өтө кылдат объект болгондуктан, кандай гана буйрук болбосун Коргоо министрлиги, УКМК жана башка түзүмдөр менен макулдашат. Ошондо бизге да маалымат келип түшөт. Андай буйрук болгон эмес", — деди Бакиров деди.
Завод мамлекеттик ишкана катары Мамлекеттик мүлктү башкаруу фондунун карамагында.