БИШКЕК, 14-апр. — Sputnik. Оорулардын алдын алуу жана мамлекеттик санитардык-эпидемиологиялык көзөмөлдөө борборлоруна жаңы үлгүдөгү "Нива" автоунаалары тапшырылды. Бул тууралуу Саламаттык сактоо министрлигинин маалымат кызматы кабарлады.
Автоунааларды тапшыруу аземи бүгүн, 14-апрелде, болду.
Техника Дүйнөлүк банк тарабынан каржыланган "COVID-19га шашылыш чара көрүү" долбоору аркылуу сатып алынган. Унаалар дары-дармектерди жеткирүү жана ПЧР-изилдөөлөр үчүн биоматериалды ташууга колдонулары кошумчаланды.
Саламаттык сактоо министрлигине жалпы суммасы 1 014 300 долларды түзгөн 69 санитардык автоунаа тапшырылган.