БИШКЕК, 13-апр. — Sputnik. Нарын шаарына туристтик маалымат борбору курулат. Бул тууралуу аймактык кабарчы билдирди.
Анын айтымында, жаңы маалымат борбор үчүн Нарын шаарынын "64" аймагындагы жаңы түптөлгөн сейил бактын жанынан жер аянты бөлүнгөн. Учурда курулушту пландоо иштери жүрүп жатат. Маалым болгондой, курулуштун долбоору даяр. Ал республикалык бюджеттен каржыланат.
Облус жетекчиси Сабыркул Ашимбаев Нарын шаарынын мэри менен маалымат борбор курула турган жерди көрүп, архитектура, жылуулук берүү жана башка ишканалардын жетекчилери менен курулушту пландаганы кошумчаланды.