БИШКЕК, 10-апр. — Sputnik. Sputnik Кыргызстан маалымат агенттиги жана радиосунун редакциясы Бишкекте өткөн BakaiBank Jaz Demi-2022 массалык жарышынын эң улуу катышуучусуна сувенирлерди тапшырды.
Марафонго катышкан 85 жаштагы жөө күлүк Алик Исакеев жаштарды спортко үндөгөн.
Жарышка 3 миңден ашык адам катышып, 5, 10 жана 21 чакырымдарга чуркап, иш-чара жылдагыдай эле Бишкек — "Манас" аэропорту автожолунда өттү.
Марафонду Nomad Sport коомдук бирикмеси уюштуруп, Sputnik Кыргызстан маалымат агенттиги ага расмий өнөктөш болгон.
Уюштуруучулар мелдештин жеңүүчүлөрү менен байге ээлери тууралуу маалымат бир аздан кийин берилерин айтышты.