БИШКЕК, 10-апр. — Sputnik. 20-апрелден тарта Россиянын Махачкала шаарынан Ош калаасына каттам ачылат. Бул тууралуу рейсти аткарган Red Wings авиакомпаниясы билдирди.
Маалыматка ылайык, жүргүнчүлөрдү 100 орундуу SSJ100 лайнери ташыйт.
"Махачкала — Ош жана Ош — Махачкала каттамдары жумасына бир жолу, шаршемби күндөрү аткарылат. Билеттер авиакомпаниянын сайтында жана агенттиктерде сатыкка коюлду", — деп жазылган маалыматта.
Авиакомпания SSJ100 үлгүсүндөгү учактар Россиянын лизингдик компаниясына таандык экенин жана тиешелүү камсыздандыруулардан өткөрүлгөнүн белгилеген.