БИШКЕК, 6-апр. — Sputnik. Тажикстанда Кыргызстандын жети жараны соттолуп, түрмөдө отурат. Бул туурасында башкы прокурор Курманкул Зулушев парламентте билдирди.
Алардын ичинен эки кыргызстандык өмүр бою эркинен ажыратылган.
Зулушев жакын арада Тажикстандын башкы прокурору менен жолугарын айтып, соттолгон жарандарды экстрадициялоо боюнча бир жыйынттыкка келүү күтүлүп жатканын айтты. Ал белгилегендей, ушул жолугушууда маселе чечилиши мүмкүн.