БИШКЕК, 6-апр. — Sputnik. Чолпон-Ата шаары менен Бостери айылынын ортосундагы жол жээгине (Раппопорт аллеясына) 250 кайыңдын көчөтү отургузулду.
Белгилей кетсек, жергиликтүү бийлик Леонид Раппопорт атындагы аллеяны эс алуучу жана маданий иш-чараларды өткөрүүчү өзгөчө жайга айлантууну көздөп жатат.
Ысык-Көл районунун акими Калыбек Жумадылов көчөттөр дал ошол долбоорду ишке ашыруунун негизинде отургузулганын белгилеген. Аллея Чолпон-Атадан башталып Бактуу-Долоноту айылына чейин созулуп, узундугу 1 400 метрге жетет.
Аким Бостери айылынын башчысына көчөттөрдүн өсүшүнө көз салып, ал жерди көзөмөлгө алуу тапшырмасын бергени кошумчаланды.