БИШКЕК, 4-апр. — Sputnik. Кыргызстандын бокс боюнча курама командасы Сербияда өткөн эл аралык мелдеште төрт медаль багындырды. Бул тууралуу Дене тарбия жана спорт департаменти кабарлады.
Кыргызстандын бокс боюнча курама командасы Сербияда өткөн эл аралык мелдеште төрт медаль багындырды
© Фото / Департамент физической культуры и спорта
Мелдеш 29-марттан 3-апрелге чейин Белград шаарында өттү.
Сейитбек Мунарбек уулу (57 кг) менен Өмүрбек Бекжигит уулу (80 кг) эл аралык турнирдин чемпиону болсо, ал эми Нуржигит Дүйшөбаев (51 кг) күмүш, Санжай Сейдакматов (57 кг) коло медалга ээ болду.
Жалпы командалык эсепте Кыргызстандын курама командасы үчүнчү орунду алды.
Эл аралык турнирге тогуз спортчу жөнөтүлгөн, аларды башкы машыктыруучу Данияр Төлөгөн уулу жана улук машыктыруучу Улан Сагынбаев коштоп барган.