БИШКЕК, 4-апр. — Sputnik. Бишкектин кээ бир аймактарында 5-апрель күнү ичүүчү суу өчөт. Бул тууралуу мэрия "Бишкек суу каналга" шилтеме берип жазды.
Эртең мененки саат 09:00дөн 17:00гө чейин Күрөңкеев, Абдрахманов, Элебесов, Бельская, Саадаев көчөлөрүндө, Жибек жолу, Жаш гвардия проспектилеринде жана Чоң Чүй каналын, Ала-Арча суусун бойлой ичүүчү суу болбойт.
Ошондой эле Красный строитель, Ак-Тилек, Көлмө, Алтын Бешик жана Салам Алик конуштарында суу берүү үзгүлтүккө учурайт.
Бул күнү "Северный" суу кампасы менен суу түтүктөрү оңдолот. Мэрия түзүлгөн ыңгайсыздык үчүн кечирим сурап, жарандарды суу камдап алууга чакырды.