БИШКЕК, 1-апр.— Sputnik. Өзбекстан премьер-министри Абдулла Арипов Кыргызстанга жумушчу сапары менен келди. Бул тууралуу өкмөттөн кабарлады.
Маалыматка караганда, аны "Ош" эл аралык аэропортунда министрлер кабинетинин төрагасы Акылбек Жапаров тосуп алды.
"Бүгүн эки өлкөнүн өкмөт башчылары бир катар жолугушууларды өткөрүп, ошондой эле чек арага жакын облустардын жетекчилери менен кезигет", — деп айтылат билдирүүдө.
Мындан тышкары, Акылбек Жапаров жана Абдулла Арипов Баткен облусунун Лейлек районунун Маргум айылындагы мектептин ачылышына видеоконференция режиминде катышат.