"Жашыл мурас" долбоорунун алкагында багбанчылык дагы өнүктүрүлөт. Бул тууралуу Азамат Темиркулов Sputnik Кыргызстан радиосунда маек куруп жатып билдирди.
Анын айтымында, мөмөлүү дарактар экономикага салым кошуу менен экологиянын жакшырышына да түрткү боло алат.
"Токойлорду сактап кийинки муундарга өткөрүп берүү үчүн "Жашыл мурас" демилгеси көтөрүлүүдө. Токойлордун көбөйүшү жаныбарлардын санынын арбышына таасирин тийгизет. Мындан тышкары, мөңгүлөрдүн эриши азайып, экология жакшырат. Мына ошол долбоордун алкагында багбанчылыкты дагы өнүктүрүү пландалууда. Себеби аталган тармак экономиканы көтөрүүгө жана экологияны жакшыртууга салым кошот. Табигый таза мөмөлөрдү экспортко чыгарууга болот. Буга утурлай эле айыл, шаарларды жашылдандыруу мерчемделүүдө", — деди Темиркулов.
Ошондой эле ал соңку 50 жылда 20 пайыз мөңгү эригенин кошумчалады.