БИШКЕК, 28-мар. — Sputnik. Германиянын экономика министри Роберт Хабек "Чоң жетилик" (G7) мамлекеттери Россиянын энергетикалык ресурстарды рубль менен сатып алуу талабынан баш тартып жатканын билдирди. Бул тууралуу РИА Новости жазды.
Хабек G7 мамлекеттери газды рубль менен эсептешүү талабы боюнча маселени талкуулаганын билгилеген.
"G7 өлкөлөрүнүн бардык министрлери бул келишимди бир тараптуу бузууга жатарын айтышты. Алар ошондой эле түзүлгөн келишимдер иштеп жатканын, ага тартылган ишканалар келишимди сактай турганын белгилешкен. Бул нерсе рубль менен төлөм жүргүзүү мүмкүн эместигин билдирет жана келишимге тартылган ишканаларды бул талапты аткарбоого үндөп жатабыз. Путиндин бизди сындыргысы келип жатканы анык. Бирок биз буга жол бербейбиз. Келишимдер так сакталат", — деди Хабек журналисттерге.
Эске салсак, РФ президенти Владимир Путин 23-март күнү Россия кастык мамиледеги мамлекеттерге, тагыраагы, АКШ менен Европага газ менен россиялык товарларды алардын валютасында сатуу маанисиз экенин билдирген. Путин Борбордук банкка Европа менен эсептешүүлөрдү рублге өткөрүүгө бир жума убакыт берген. Ал ошондой эле газ келишимде көрсөтүлгөн көлөмдө жана баада жеткирилерин кошумчалаган.